Երրորդ դասարանցիների ելքի և մուտք դեպի 4-րդ դասարան ճանապարհը սահուն և թեթև անցավ եռօրյա ճամբարի ընթացքում: Դասվարներ-կազմակերպիչ-առարկայական ուսուցիչ դասավանդողների խումբը կարողացավ փորձի փոխանակման արդյունքում կազմակերպված կենցաղ, առօրյա, միջավայրի խնամք, հայրենագիտական քայլքեր, լող գետում իրականացնել:
Մանրամասները դիտեք Լուսինե Պետրոսյանի բլոգում:
Ճամբարի կարևոր բաղադրիչներից մեկը՝ ճիշտ կենցաղավարությունն է: Անթափոն կենցաղ վարելը հենց կրտսեր դպրոցից, կբերի նրան, որ ավելի մաքուր, կոկիկ միջավայր կունենանք: Ճամբարականները սովորեցին աղբը տեսակավորել՝ թուղթ, պլաստիկ, ուտելիքի մնացորդ, ապակի: Երբ թուղթը այրեցինք, պլաստիկը հասցրինք Երևան. Արատեսում պլաստիկի մշակման գործարան չկա, հասկացան, որ այդպես միշտ է պետք վարվել: Բնությունը մեր խնամքի և հոգատարության կարիքը ունի:
Ճամբարականները այցելեցին նաև մեղվանոց: Մեղվանոցում կատարված աշխատանքների մասին դիտեք Մեղու թվ-ի եթերներում.