Ժամանակահատված՝դեկտեմբերի 17-21
Մասնակիցներ՝տարատարիք ճամբարականներ
Իրականացնող՝Արմինե Գոգինյան
նպատակ՝
- ստեղծել տոնական տրամադրություն սովորողների անմիջական մասնկցությամբ
- մասնակցել դպրոցի տոնական ձևավորման աշխատանքներին
- պատրաստվել տոնական բեմադրության
- տալ իմացություն Ամանորի խորհրդի մասին
- կազմակերպել խորհրդանշական,ծիսական խաղեր
Նախորդ և այս շաբաթների ընթացքում զբաղվել տեխնոլոգիական գործունեությամբ՝մասնակցել դպրոցի և բակի ձևավորման աշխատանքներին։
Պատրաստվել տոնական բեմադրության։Բեմադրելու ենք Թումանյանի <<Բարեկենդանը>>
հեքիաթից հատված՝որոշակի փոփոխությունների ենթարկելով․կմասնակցի Ձմեռ պապը,կշտկի անհաշտությունը։
Բեմադրության մեջ ներառելու ենք նաև ամանորյա ծիսական խաղ՝<<Չարխափանը>>,որը խաղում են ընկույզներով և ուրախ ու հետաքրքիր խաղ է։
Խաղացողները մի մետր տրամագծով շրջան են գծում և մեջտեղը ուղիղ գծով
ընկույզներ շարում: Երեք-չորս մետր հեռավորությունից գցում են վեգերը (վեգի
փոխարեն կարելի է օգտագործել մեծ ընկույզ): Եթե թեկուզ մեկն են շրջանից
դուրս հանում, շահում են շարված բոլոր ընկույզները:
Սեղանին կամ գետնին իրար զուգահեռ երկու շարքով շարվում են ընկույզներ:
Խաղացողը, մի շարքի ընկույզները միջնամատի և բութ մատի միջոցով
կտտացնելով, պետք է նշանառությամբ շարքից դուրս հանի մյուս շարքի
ընկույզները։
Բոլորիս մաղթում եմ տոնական բարձր տրամադրություն։